Saturday, 2 February 2013

SSG TREE PLANTING ACTIVITY


Subay sa selebrasyon sa 2012 Education Week, gipangunahan sa Supreme Student Government  (SGG) sa Nieves Villarica National High School ang usa ka Tree Planting Activity kung diin 55 ka mga opisyal sa nagkadaiyang student clubs/organizations ang gipiling musalmot sa maong aktibidad susama sa Supreme Student Government (SSG) , YES-O, og uban pa. Ang pagpananom og mga mangroves gihimu didto sa Sitio Tawang, Brgy. Miranda, Babak Dist., Island Garden City of Samal niadtong Dec. 14, 2012 adlawng Biyernes kung diin 180 ka mga mga punoan sa mangroves ang natanom sa maong tree planting activity. “Malipayon kayo ko tungod kay nanahimu gayong malampuson ang maong tree planting activity in coordination pd sa City Environment and Natural Resources Office (CENRO) – Samal. Kining maong aktibidad mahinungdanon kayo tungod kay usa usab kini ka aktibidad in promoting environmental awareness among the students of Nieves Villarica NHS, ” sigon ni Mr. JHony Quiamco – Quizada – SSG President sa Nieves Villarica NHS.



SSG COMMUNITY OUTREACH ACTIVITY


Isip kabahin sa selebrasyon sa 2012 Education Week sa DepEd og International Day Against Trafficking in Person, us aka Community Outreach Activity ang gilunsad sa Supreme Student Government (SSG) sa Nieves Villarica NHS pinaagi sa inisyatibo ni Mr. Jhony Quiamco-Quizada , SSG President.


Ang maong Community Outreach Activity gilunsad sa Purok-4, Sitio Libudan, Brgy. Miranda, Babak Dist., Island Garden City of Samal niadtong adlawng Miyerkules, Dec. 19, 2012 sa ala una sa hapon hangtod alas 5 sa hapon kung diin kapin 150 ka mga lumulupyo ang nakabenipisyo. Target beneficiaries sa maong aktibidad ang mga bata nga nag-edad 1 year old hangtod 18 anyos. Adunay mga nagkadaiyang padula sama sa sack race, lemon relay, og uban pa. O gang tanang mga midaog og mitambong automatic nga nakadawat gayod og mga giveaways nga tag-sa ka kilong bugas, de lata og uban pa. Og aduna usa’y feeding na gipahigayon og input about child trafficking.

“Mapasalamaton kaayo ko sa mga nagkadaiyang grupo na abtik kaayong misuporta sa among aktibidad sama sa Child Alert Mindanao, Brgy. Council for the Protection of Children (BCPC) Miranda, CSSDO - IGACOS, og Women and Childrens’Protection Desk (WCPD) Babak alang sa technical og financial na suporta. Og kining maong aktibidad amo gayong gimugna para makatabang usab kami sa mga lumulupyo sa maong dapit bisan og sa gamayng paagi”, sigon ni Jhony Quiamco-Quizada – SSG President.

“Kini nga aktibidad dako kaayo’g impact alang sa mga kabataan tungod kay ila gayod na gipakita ang ilang social responsibility na makatabang sa ilang komunidad. Og kami sa Child Alert Mindanao, mapasalamaton usab kaayo sa ilang gipakita na inisyatibo,” sigon ni Mr. Mario Castillo, Child Alert Mindanao – Project Coordinator.